პარლამენტის პირველი ვიცე-სპიკერი, გიორგი ვოლსკი პოლიტიკურ შეფასებას აკეთებს მიხეილ სააკაშვილის დედის, გიული ალასანიას მიერ გამართულ სპეციალურ პრეს-კონფერენციაზე გაკეთებულ შეფასებებთან დაკავშირებით. მმართველი გუნდის ერთ-ერთი ლიდერის აზრით, აღნიშნული განცხადებები არის მუქარა, რომლის აღსრულებასაც ვერ შეძლებენ:
,,ჩვეულებრივი ამბავია… უბრალოდ, განსხვავება ის არის, რომ დღეს ხელთ არ აქვთ მექანიზმები, რომ ეს მუქარა აასრულონ. აქედან გამომდინარე, მხოლოდ განცხადებების იმედად რჩებიან.
გეგმა იგივე რჩება, არ შეცვლილა – განვითარდეს ისეთი პროცესები, რომელიც დესტაბილიზაციას ხელს შეუწყობს. მათ შორის არის განცხადება, რომელიც გააკეთა გიული ალასანიამ. თუმცა, მის ყველა განცხადებას სერიოზულობა აკლია.
მიმართულება, რომელიც მან აარჩია, არ არის პატიმრის საუკეთესო ინტერესებისათვის. იგი უნდა ურჩევდეს იმას, რომ დაექვემდებაროს მკურნალობას, რომელსაც ურჩევენ და თავი დაანებოს თვითდაზიანებას“, – განაცხადა გიორგი ვოლსკიმ.
ავტორი
ნინი ხიჯაკაძე
