“ეთნიკურ და კონფესიურ ურთიერთობათა ცენტრის” ხელმძღვანელი, ლელა ჯეჯელავა საახალწლო განწყობის ირონიულ პოსტს აქვეყნებს 2-ნიშნა ეკონომიკურ ზრდასთან დაკავშირებით:
“ჩურჩულით მოგესალმებით კეთილო ადამიანებო! ორნიშნა ეკონომიკისაგან დაქანცული ჩვენი ქვეყანა ისვენებს და არ შეაწუხოთ, სასურველია ნათლისღებამდე.
ვინც ჩემსავით ვერ ამოხსენით ორნიშნა ეკონომიკის განტოლება და საშემოდგომო გამოგყვათ, წადით და იმეცადინეთ, ეგებ ამ წელს მაინც გეშველოთ რაღაც. არ დამიწყოთ ჭინჭყლობა ვიმეცადინეთ, მაგრამ განტოლების ამონახსნი შეცდომით არისო, მე სხვა პასუხი მივიღე და ამბავიო. არ გაგივათ ეგ ნომერი.
სანამ ისე არ ისწავლით, ორნიშნა ეკონომიკის განტოლების ამოხსნას, როგორც ჩვენმა ორჯერ პრემიერმა აგიხსნათ, ტყუილად არაფერი გეშველებათ. მე სერიოზულად უნდა ჩავუჯდე, გადავწყვიტე.
ქვეყანა რომ “გამოიშვინტილებს” ნათლისღებას, ეგებ მანამდე დავეწიო!” – წერს ლელა ჯეჯელავა ფეისბუქის პირად გვერდზე.
