ადვოკატ შალვა ხაჭაპურიძის ინფორმაციით, საქართველოს მე-3 პრეზიდენტის ჯანმრთელობის მდგომარეობა, ბოლო დღეებში, კიდევ უფრო დამძიმებულია. როგორც ადვოკატი აცხადებს, მიხეილ სააკაშვილთან შეთანხმებით უნდა მოითხოვონ, რომ სასამართლო პროცესები ყოველდღიურ რეჟიმში ჩატარდეს:
,,მიხეილ სააკაშვილს სურვილი აქვს, რომ ფიზიკურად დაესწროს სასამართლო პროცესებს. ამ საკითხებს გავივლით. გარდა ამისა, მოწმეთა რიგითობის საკითხებს ვეტყვი – რას ვფიქრობ. როგორ ვფიქრობ. დარჩენილი არიან მნიშვნელოვანი მოწმეები.
ძირითადი ექსპერტები ამბობენ, რომ სააკაშვილი არის მძიმე ავადმყოფი, რაც ხელს უშლის სასჯელის მოხდას – ამერიკელი ექსპერტები, მათ შორი, ერთი ნობელის პრემიის ლაურეანტი, მეორე ამერიკის კონგრესის თავმჯდომარის მიერ კონგრესის მედლით დაჯილდოებული, ამერიკის 3 პრეზიდენტის მიერ დაჯილდოებული ნევროლოგი ბატონი ლახანი.
ბოლო დღეებში უკიდურესად დამძიმდა [სააკაშვილის] ჯანმრთელობის მდგომარეობა და ახლა გამოვითხოვ მისი ავადმყოფობის ისტორიის ბოლო ჩანაწერებს.
ასევე, შევუთანხმებ ბატონ მიხეილ სააკაშვილს, რომ მოვითხოვოთ პროცესები ჩატარდეს ყოველდღიურ რეჟიმში, მათ შორის, თუნდაც ღამის 12 საათამდე. დაიწყონ დილის 9 საათზე და დაამთავრონ ღამის 12 საათზე. ჩვენ მზად ვართ ამ რეჟიმში მუშაობისთვის“, – განაცხადა შალვა ხაჭაპურიძემ.
ავტორი
ნინი ხიჯაკაძე
