“ზუსტად იგივე ძალები და ხალხი, ვინც ზვიად გამსახურდიას მოსაკლავად დასდევდა, დღეს ატარებს სპეცოპერაციას მიხეილ სააკაშვილის წინააღმდეგ” – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე პოლიტიკურ შეფასებას აკეთებს მიხეილ სააკაშვილის საქმეზე და პარალელს ავლებს საქართველოს უახლოეს ისტორიაში მომხდარ ფაქტებზე:

,,სააკაშვილს თვლიან მათთვის პოლიტიკურ ოპონენტად, რომელიც შეიძლება ხელისუფლების ფასი დაუჯდეს – ასე ხედავს ,,ქართული ოცნება“, ასევე მაქსიმალურად ცდილობენ რუსეთს რომ ასიამოვნონ.

ზუსტად იგივე ძალები და ხალხი, ვინც სწორედ დეკემბერში, 1993 წელს დასდევდა ზვიად გამსახურდიას მოსაკლავად, ზუსტად იგივე ძალები, ვგულისხმობ რუსეთს, ატარებს დღეს სპეცოპერაციას მიხეილ სააკაშვილის წინააღმდეგ.

ჩვენ უფლება არ გვაქვს დღევანდელ თაობას, რომლებიც პასუხიმგებლები ვართ ამ ყველაფერზე, რომ ეს დავუშვათ!“, – განაცხადა პაატა მანჯგალაძემ.

ავტორი
ნინი ხიჯაკაძე