ფრაქცია ,,ერთიანი ნაციონალური მოძრაობა – ძალა ერთობაშიას“ წევრმა ანა წითლიძე შიმშილობის მე-10 დღეს საქართველოს პრეზიდენტს, სალომე ზურაბიშვილს მიმართავს და მოუწოდებს, რომ ყველაფერი გააკეთოს მიხეილ სააკაშვილის სიცოცხლის გადასარჩენად:
,,დღეს, ჩემი შიმშილობის მე-10 დღეს მინდა, მივმართო საქართველოს პრეზიდენტს არა როგორც პოლიტიკოსმა, არამედ როგორც ადამიანმა ადამიანს, როგორც ქალმა ქალს – გააკეთოს ყველაფერი იმისთვის, რომ გადაარჩინოს ადამიანის სიცოცხლე.
არ შეიძლება ჩვენ ვუყურებდეთ იმას, რაც ხდება მე-3 პრეზიდენტის თავს და არაფერს ვაკეთებდეთ!
რაც შეეხება ჩემი ჯანმრთელობის მდგომარეობას, მე ვთქვი არაერთხელ, რომ სანამ მომცემს ჩემი ფიზიკური შესაძლებლობა შიმშილობის გაგრძელების უფლებას, მანამდე მე ამას გავაგრძელებ“, – განაცხადა ანა წითლიძემ.
ავტორი
ნინი ხიჯაკაძე