ფრაქცია ,,ქართული ოცნების” თავმჯდომარე, მამუკა მდინარაძე პარლამენტში ჟურნალისტებთან კომენტარს აკეთებს საქართველოს მე-3 პრეზიდენტის საქმეზე. მისი თქმით, მიხეილ სააკაშვილის პატიმრობის პერიოდში ადგილი ჰქონდა სპეკულაციებს, რაც კადრების გასაჯაროვებით გამოაშკარავდა:
,,სპეკულაცია და სიყალბე რომ გადაიფაროს, რაც უკვე მესამედ გამოაშკარავდა, ამის გადაფარვის მცდელობაა ახლა – ყურადღების ფორმალურ მხარეზე გადატანა.
პირველი იყო – ის, რომ თითქოს შიმშილობდა და მაშინ კადრების გასაჯაროებით, მაღალი საზოგადოებრივი ინტერესიდან გამომდინარე, ცნობილი გახდა, რომ იყო ტყუილი, “ფეიკი” იყო ე.წ. შიმშილი.
მეორედ იყო წამება – თითქოს აწამებდნენ მას და რაღაც წამებით გადაიყვანეს და ა.შ. – ესეც გამოაშკარავდა.
უკვე მესამე შემთხვევაში – სპეცოპერაცია, მიხეილ სააკაშვილის გათავისუფლების მოთხოვნით, ჩავარდა იმიტომ, რომ ეს ცნობილი ნარატივი თვეების განმავლობაში, რომ კვდება – აღმოჩნდა ტყუილი“, – განაცხადა მამუკა მდინარაძემ.
ავტორი
ნინი ხიჯაკაძე