ტელეკომპანია ,,ფორმულამ” გამოაქვეყნა პირველი ფოტოები, თუ როგორ გამოიყურებოდა მე-3 პრეზიდენტი, მიხეილ სააკაშვილი რამდენიმე კვირის წინ. აღნიშნული ფოტოები თარიღდება 2022 წლის 29 აგვისტოთი. ფოტოების გავრცელების შემდეგ ჟურნალისტებთან ემოციურ კომენტარს აკეთებს მიხეილ სააკაშვილის დედა გიული ალასანია და აცხადებს, რომ ფოტოებთან დაკავშირებით მას არ ჰქონდა ინფორმაცია:
,,ძალიან გამაკვირვა ამ ფაქტმა, ძალიან გამაკვირვა. მიხეილ სააკაშვილმა არაფერი არ იცოდა. მე არაფერი ვიცოდი. არავინ არაფერი არ იცოდა…
მე არ ვიცი საიდან მოხდა, როგორ?! რა ფაქტია საერთოდ?! რა მიზანს ემსახურება – ვერ გავიგე. იმიტომ, რომ ფოტო, რომელიც მე ვნახე, არ ასახავს იმ რეალობას, რომელიც ახლა ჩვენ დღეს გვაქვს. ადამიანი არის დღეს იმის ლანდი…
მიზანი რა იყო ვერ გავიგე… თუ უნდოდათ საზოგადოებისთვის ეჩვენებინათ – აი, ასე გამოიყურება, ეს არის ტყუილი თავიდან ბოლომდე!
იმიტომ, რომ დღეს აღარ ჰგავს, აღარაფერი აღარ არის დარჩენილი“, – განაცხადა გიული ალასანიამ.
ავტორი
ნინი ხიჯაკაძე
