პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას“ თავმჯდომარემ ხატია დეკანოიძე კლინიკა ,,ვივამედთან“, ჟურნალისტებთან კომენტარი გააკეთა საქართველოს მე-3 პრეზიდენტის საქმესთან დაკავშირებით და ისაუბრა მთავრობის მეთაურის, ირაკლი ღარიბაშვილის კონკრეტულ პოზიციებთან დაკავშირებით მიხეილ სააკაშვილთან მიმართებაში:
,,ეს არის მეორე, ძალიან ღია მტკიცებულება – საქართველოს პრემიერ-მინისტრის განცხადება.
პირველი მტკიცებულება – ეს იყო მაშინ, როდესაც მან თქვა, რომ თუ კარგად არ მოიქცევა, სასჯელს დაუმატებენ. ეს არის სტრასბურგისთვის, ასევე, მტკიცება.
მეორე – პირდაპირი მითითება და დირექტივაა. მთელი ამ პერიოდის განმავლობაში იმას საუბრობდნენ, რომ სასამართლოს უნდა გადაეწყვიტა მიხეილ სააკაშვილის ჯანმრთელობის საკითხი, ახლა აღმოჩნდა, რომ სასამართლო კი არა – ღარიბაშვილი წყვეტს, ანუ ,,ქართული ოცნება“ და ბიძინა ივანიშვილი.
რასაკვირველია, ეს მტკიცებულებები არის ყველაფერი ჩვენს საერთაშორისო პარტნიორებთან, არის სტრასბურგში. ამიტომ ვფქირობ, რომ ეს არის კიდევ ერთხელ იმის განაცხადი, რომ მიხეილ სააკაშვილი პოლიტიკური მართლმსაჯულების ობიექტია“, – განაცხადა ხატია დეკანოიძემ.
ავტორი
ნინი ხიჯაკაძე
