მიხეილ სააკაშვილის სასამართლო პროცესის დანიშვნასთან დაკავშირებით, “ერთიანი ნაციონალური მოძრაობის” თავმჯდომარე, ნიკა მელია მიმართვას ავრცელებს სოციალურ ქსელში და ერთიანი და კონსოლიდირებული მოქმედების მნიშვნელობას უსვამს ხაზს:
“მეგობრებო!
მიხეილ სააკაშვილის სასამართლო პროცესი ჩაინიშნა 9 დეკმებერს, 13 საათზე.
ამ ეტაპზე ერთიანი და კონსოლიდირებული მოქმედება გადამწყვეტია.
არაფერია იმაზე მნიშვნელოვანი, რომ ამ პროცესს ხელი შევუწყოთ ჩვენი ერთობითა და თანამშრომლობით, როგორც ერთმანეთთან, ისე დაცვის მხარესა და მიხეილ სააკაშვილის ოჯახთან.
შესაბაბამისად, გთხოვთ, ფრაქცია ერთიანი ნაციონალური მოძრაობის დეპუტატებს, ნაციონალური მოძრაობის თავმჯდომარეობის კანდიდატებს, პარტიის სამდივნოს წევრებს, შევხვდეთ 7 დეკემბერს, 12 საათზე ნაციონალური მოძრაობის ცენტრალურ ოფისში, რათა განვიხილოთ უახლოესი დღეების სამოქმედო გეგმა და შევაჯეროთ პოზიციები“, – აცხადებს ნიკა მელია.
