“სოფელ-სოფელ დადიან და ეძებენ ადამიანებს, ვინ წაიყვანონ და ამ ამბების რომანტიზება როგორ მოახდინონ” – მამუკა მდინარაძე

ფრაქცია ,,ქართული ოცნების” თავმჯდომარე მამუკა მდინარაძე პარლამენტში ჟურნალისტებთან კომენტარს აკეთებს ირაკლი ღარიბაშვილის მიერ 5 დეკემბერს მთავრობის სხდომაზე გაკეთებულ შეფასებებთან დაკავშირებით და კრიტიკულ პოზიციას აფიქსირებს უკრაინაში ქართველების მებრძოლების წასვლასთან დაკავშირებით:

,,სიმართლის გულისთვის ბოდიშს არ იხდიან, როგორც წესი. თქვენ გინდათ, რომ ეს სიმართლე გაყიდოთ სხვანაირად.

დიახ, ყველამ იცის და ამ სიმართლეს თვალი უნდა გავუსწოროთ, რომ სოფელ-სოფელ დადიან და ეძებენ ადამიანებს, ვინ წაიყვანონ და ამ ამბების რომანტიზება როგორ მოახდინონ.

ხომ ვიცით ყველამ, რომ სოფელ-სოფელ დადიან და ცდილობენ, რომ წაიყვანონ… მე ვიცი ეს და მე გეუბნებით“, – განაცხადა მამუკა მდინარაძემ.

ინფორმაციისთვის: გუშინ მთავრობის სხდომაზე, პრემიერ-მინისტრმა ირაკლი ღარიბაშვილმა უკრაინაში დაღუპულ მებრძოლებთან დაკავშირებით გამოთქვა მოსაზრება – “ჩვენი მოქალაქეები არიან, საწყალი ბიჭები, კიდევ ერთხელ მინდა აღვნიშნო, რომ დიდი ტრაგედიაა ჩვენთვის“, რასაც  ქართველი მებრძოლების მხრიდან საპასუხო კრიტიკული და ემოციური გზავნილები მოჰყვა.