პარტია ,,ქართული ოცნების“ თავმჯდომარე ირაკლი კობახიძე მწვავე და ირონიულ შეფასებას აკეთებს ,,ერთიანი ნაციონალური მოძრაობის“ შიგნით მიმდინარე პოლიტიკურ პროცესებთან დაკავშირებით. მმართველი პარტიის ლიდერის განცხადებით, შიდაპარტიულ არჩვენებში მონაწილე კანდიდატები არიან ,,ერთმანეთზე უინტელექტო, ოდიოზური და სამარცხვინო“:
,,ჩვენთვის დიდად საინტერესო არ არის ეს პროცესი. ერთადერთი რითაც არის საინტერესო არის ის, რომ ,,ნაცმოძრაობაში“ გრძელდება დაშლის პროცესი და პარტია თანდათანობით სუსტდება, რაც ძალიან კარგია ჩვენი პოლიტიკურ სისტემის ჯანსაღი ფორმით განვითარებისთვის.
3 კანდიდატი არის ამ პოლიტიკურ პარტიაში და სამივე ერთმანეთზე უინტელექტო, ოდიოზური და სამარცხვინოა. ვგულისხმობ ხაბეიშვილს, მელიას და მუმლაძეს.
საზოგადოება შეხედავს ამ ყველაფერს და ნახავს, თუ რამდენად გოიმურია თავისი არსით ის პოლიტიკური პარტია, რასაც ჰქვია ,,ნაციონალური მოძრაობა“ და რამდენად უინტელექტოა ის შემადგენლობა, რომელიც ხელმძღვანელობს ამ პოლიტიკურ პარტიას.
საზოგადოებამ უნდა გამოიტანოს დასკვნები ამასთან დაკავშირებით“, – განაცხადა ირაკლი კობახიძემ