“რა სტანდარტითაც მოექცევით მიხეილ სააკაშვილს, იგივე სტანდარტით მოგექცევიან თქვენც – ეს უნდა იცოდეს კობახიძემ, ღარიბაშვილმა…” – პაატა მანჯგალაძე მმართველ პარტიას მიმართავს

საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე მიმართავს ,,ქართულ ოცნებას“ და მოუწოდებს ქმედითი ნაბიჯების განხორციელებისკენ საქართველოს მე-3 პრესზიდენტის, მიხეილ სააკაშვილის სიცოცხლის გადასარჩენად:

,,ქართულ ოცნებას“ მივმართავ, რომ თუ რამე არის შესაძლებელი და შერჩენიათ კიდევ სახელმწიფოებრივი აზროვნების რაღაც მისხალი მაინც, დროზე გადავიყვანოთ ადამიანი სამ-კურ-ნა-ლოდ შესაბამის დაწესებულებაში.

ნუ ჰგონია ,,ქართულ ოცნებას“, რომ პასუხისმგებლობას აირიდებს. უფრო მძიმე ამბავიც არის – რა სტანდარტითაც მოექცევით მიხეილ სააკაშვილს, იგივე სტანდარტით მოგექცევიან თქვენც – ეს უნდა იცოდეს კობახიძემ, ღარიბაშვილმა“, – განაცხადა პაატა მანჯგალაძემ.

ავტორი
ნინი ხიჯაკაძე