“გამორიცხულია “ნაციონალური მოძრაობა” ორად გაიყოს” – ლევან ხაბეიშვილი

,,ერთიანი ნაციონალური მოძრაობის” თავმჯდომარეობის კანდიდატი ლევან ხაბეიშვილი ჟურნალისტებთან კომენტარს აკეთებს პარტიაში დაგეგმილ თავმჯდომარის არჩევნებთან  მიმართებაში, განმარტებებს აკეთებს როგორც პარტიის ერთიანობასთან, ასევე მის გეგმებზე არჩევნებში დამარცხების შემთხვევაში თუ მოლოდინებთან დაკავშირებით:

,,ცხადია, მე ვიქნები ,,ნაციონალური მოძრაობის” რიგითი წევრი, თუ ამას გადაწყვეტს ამომრჩეველი. ამაში ვერანაირ პრობლემას ვერ ვხედავ.

მე, როცა სჭირდებოდა საქმეს, ვიყავი დამკვირვებელიც, კომისიის წევრიც, პარტიის წარმომადგენელიც. შესაბამისად, ვერანაირ პრობლემას ამაში ვერ ვხედავ. თუმცა, დარწმუნებული ვარ გამარჯვებაში.

ნებისმიერ ფორმით მზად ვართ არჩევნებისთვის, შიდა დემოკრატიისთვის, გაძლიერებისთვის და მე მზად ვარ, ,,ნაციონალური მოძრაობის” მხარდამჭერებთან, წარმომადგენლებთან ერთად გავიმარჯვოთ პარტიის შიგნით და შემდგომ ეს პროცესი გადავიტანოთ მთლიანად ქვეყანაში. და გამორიცხულია ,,ნაციონალური მოძრაობა” გაიყოს ორად”, – განაცხადა ლევან ხაბეიშვილმა.

ავტორი
ნინი ხიჯაკაძე