პარლამენტის პირველი ვიცე-სპიკერი გიორგი ვოლსკი კომენტარს აკეთებს დეოლიგარქიზაციის კანონოროექტის ვენეციის კომისიაში გაგზავნის საკითხთან დაკავშირებით:
,,არსებობს კანონპროექტი, ამ შემთხვევაში კი უკრაინის საკანონმდებლო ორგანოს მიერ არის მომზადებული, ანალოგიურია უმრავლესობის მიერ საქართველოს პარლამენტში მომზადებული კანონპროექტი.
არის კიდევ ალტერნატიული კანონპროექტი, რაც შემოგვთავაზა ოპოზიციამ, რომელიც აბსოლუტურად ლოგიკას არის მოწყვეტილი.
გამოცდილება არის ასეთი, რომელიც უკრაინას გააჩნია. ეს იქნება პირველი. რასაკვირველია, ჩვენთვის მნიშვნელოვანია, რომ გავიგოთ ევროკავშირის ექსპერტთა ფორუმის დასკვნა, შეხედულება ამ კანონპროექტზე, რომელიც არის წარდგენილი უკრაინის მიერ.
აქედან გამომდინარე ვიმსჯელებთ საკითხებზე, აი ამ მიმართულებით. სავსებით ლოგიკური გადაწყვეტილებაა და ვფიქრობ, არ უნდა შეიცვალოს”, – განაცხადა გიორგი ვოლსკიმ.
ინფორმაციისთვის: ვენეციის კომისიამ დაადასტურა, რომ უკრაინული დეოლიგარქიზაციის კანონპროექტი გაწვეული არ არის და მასზე მუშაობა გრძელდება. ამასთან დაკავშირებით მმართველ გუნდში მსჯელობენ, თუ რამდენად მიზანშეწონილია კანონპროექტის ქართული ვერსიის ვენეციის კომისიაში გაგზავნა.
ავტორი
ნინი ხიჯაკაძე
