“ბრალდება არის პოლიტიკური და სასამართლოც ამ მიმართულებით არის წმინდა წყლის პოლიტიკური სპექტაკლი“ – შოთა თუთბერიძე მიხეილ სააკაშვილის საქმეზე

საქართველოს მე-3 პრეზიდენტის, მიხეილ სააკაშვილის მორიგი პროცესი ე.წ. პიჯაკების საქმეზე დღეს არის დაგეგმილი, რასთან დაკავშირებითაც კომენტარს აკეთებს ადვოკატი შოთა თუთბერიძე:

,,პროცესი არის ჩანიშნული ე.წ. პიჯაკების საქმეზე, სადაც მიხეილ სააკაშვილს პროკურატურა ედავება ისეთ წარმომადგენლობით ხარჯებს, როგორიც არის მაგალითად, ვიზიტის და შეხვედრის ხარჯები უცხო ქვეყნის ლიდერებთან, მათ შორის, საქართველოს ეროვნული ინტერესებისთვის აუცილებელი შეხვედრებისთვის გაწეული ხარჯების ანაზღაურება.

ბრალდება არის პოლიტიკური. სასამართლოც ამ მიმართულებით, ვფიქრობთ, არის წმინდა წყლის პოლიტიკური სპექტაკლი და არავითარი კავშირი მართლმსაჯულებასთან არ გააჩნია.

პროცედურული თვალსაზრისით, ვიმყოფებით დაცვის მხარის მტკიცებულებათა გამოკვლევის ეტაპზე. სამწუხაროდ, მიხეილ სააკაშვილის ჯანმრთელობის მდგომარეობა მას აქამდე არ აძლევდა საშულებას მიეღო მონაწილეობა პროცესში და ახლაც, ალბათ, გადაიდება“, – განაცხადა შოთა თუთბერიძემ.

ავტორი
ნინი ხიჯაკაძე