ევროკავშირი მმართველ პარტიას მოუწოდებს, რომ დეოლიგარქიზაციის კანონპროექტი, რომელიც პარლამენტმა მეორე მოსმენით მიიღო, ვენეციის კომისიას გადაუგზავნოს. აღნიშნულ საქმეზე კომენტარს აკეთებს პარლამენტის განათლებისა და მეცნიერების კომიტეტის თავმჯდომარე გიორგი ამილახვარი:
,,დარწმუნებული ვართ, რომ ისევე როგორც უკრაინის გადაგზავნილი კანონის დასკვნა ვენეციის კომისიაში, ასევე ჩვენს მიერ გადაგზავნილიც იქნება რელევანტური და პოზიტიური. ვინაიდან არანაირი კონტრარგუმენტი არ არსებობს იმ ინდიკატორებთან და კრიტერიუმებთან დაკავშირებით, რომელიც ჩვენ ჩავდეთ დეოლიგარქიზაციის კანონპროექტში.
რაც შეეხება ოპონენტების მიერ დაინიცირებულ ალტერნატიულ ვერსიას, ალბათ, აქ უნდა მოვაცილოთ ამ სახელწოდებას სიტყვა ,,დე“ და უფრო გამოდის მათი კანონპროექტი, რომ ეს არის ოლიგარქების დასაცავად შექმნილი კანონპროექტი“, – განაცხადა გიორგი ამილახვარმა.
ინფორმაციისთვის: ,,ერთიანმა ნაციონალურმა მოძრაობამ“ 21 ნოემბერს პარლამენტში დეოლიგარქიზაციის კანონპროექტის ალტერნატიული ვერსია დააინიცირა.
ავტორი
ნინი ხიჯაკაძე
