ოპოზიციური სპექტრი საქართველოს მე-3 პრეზიდენტის ჯანმრთელობის მდგომარეობაზე პასუხისმგებლობას ხელისუფლებას აკისრებს და მიხეილ სააკაშვილის უცხოეთში სამკურნალოდ გადაყვანას ითხოვენ. აღნიშნულ საკითხზე პოლიტიკურ შეფასებას აკეთებს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე. მისი განცხადებით, ექსპერტების მიერ მომზადებულ დასკვნაში ასახული მოსაზრებები მიკერძოებულია:
,,სპეკულაციას ყველამ თავი უნდა დაანებოს. მიკერძოებული დასკვნების კეთებაც, რასაკვირველია, მათ შორის – არ დარჩება, რა თქმა უნდა, ყურადღების მიღმა. ყველასთვის ნათელი და გასაგები იქნება, ვინ რა მიკერძოების ხარისხით ხასიათდება, როდესაც თავს დებენ ექსპერტობაზე. სავარაუდო, ასე ვთქვათ, საკუთარ სასურველ მოსაზრებებს ასახავენ საექსპერტო დასკვნების სახით – ეს არასწორი პრაქტიკაა!
ყველა სამედიცინო მომსახურებაზე, რომელიც შეიძლება ჩავთვალოთ, რომ ესაჭიროებოდა პატიმარ პაციენტს, ყველაფერზე მას ხელი პირდაპირ მიუწვდება“, – განაცხადა მიხეილ სარჯველაძემ.
ავტორი
ნინი ხიჯაკაძე
