“ხელს, კონკრეტულად მარცხენა სახსარს ვერ ამოძრავებს ადამიანი, უჭირს…” – ეკა ხერხეულიძე მიხეილ სააკაშვილზე

,,ერთიანი ნაციონალური მოძრაობის” ერთ-ერთმა ლიდერმა, პარლამენტის წევრმა ეკა ხერხეულიძემ კლინიკა “ვივამედში” საქართველოს მე-3 პრეზიდენტი მოინახულა. შეხვედრის დასრულების შემდეგ ოპოზიციონერი ლიდერი ჟურნალისტებთან კომენტარს აკეთებს მიხეილ სააკაშვილის მძიმე ჯანმრთელობის მდგომარეობასთან დაკავშირებით:

,,ხელს, კონკრეტულად დავასახელებ – მარცხენა სახსარს ვერ ამოძრავებს ადამიანი, უჭირს. ამის გამო იყვნენ ტრავმატოლოგები ახლა დამატებით მასთან შესულები და გაიარეს კონსულტაცია. ეს არის ერთ-ერთი პრობლემა იმ მრავალთა შორის, რომელიც მას ძალიან მკვეთრად აქვს გამოხატული.

რაც შეეხება დიაგნოზის გაცნობას – ნაწილობრივ, რა თქმა უნდა, საქმის კურსშია. ანუ რა კვლევებიც არსებობს, მათ შესახებ ექიმები მას ესაუბრებიან.

ეს არ არის საბოლოო დასკვნითი ნაწილი, რაზეც შეიძლება მიიღონ გადაწყვეტილება და თქვან მკაფიო დიაგნოზი, რა მდგომარეობა აქვს ახლა“, – განაცხადა ეკა ხერხეულიძემ.

ავტორი
ნინი ხიჯაკაძე