“მნიშვნელოვანია, რომ პროცესი დაიწყო” – ლევან ხაბეიშვილი

ფრაქცია,,ერთიანი ნაციონალური მოძრაობა – ძალა ერთობაშიას” წევრი ლევან ხაბეიშვილი პარტიაში მიმდინარე შიდა არჩევნებთან დაკავშირებით პოლიტიკურ შეფასებას აკეთებს:

,,მნიშვნელოვანია, რომ პროცესი დაიწყო. ჯგუფი შემდგარია, რომელიც ჩამოყალიბდება არჩევნების წესზე. დარწმუნებული ვარ, რომ ეს იქნება ღია, დემოკრატიული და ისეთი, სადაც ჩვენი პარტიის ამომრჩევლები გააკეთებენ არჩევანს, რაც არის ძალიან მნიშვნელოვანი. აქედან ,,ნაციონალური მოძრაობა” უდაოდ გამარჯვებული და გაძლიერებული გამოვა.

რაც შეეხება კანდიდატურას – მივესალმები, ცხადია რაც უფრო მეტი კანდიდატი იქნება, მით უფრო დიდი კონკურენცია იქნება იმიტომ, რომ ამით პარტია კიდევ უფრო გაძლიერდა. რაც შეეხება სხვადასხვა კანდიდატებს, რომლებმაც შეიძლება დააყენონ კანდიდატურა ან ახლა არიან, მათაც ჩემი დიდი პატივისცემა.

ჩემს კანდიდატურასთან დაკავშირებით იცით, რომ მე კანდიდატი არ ვარ, თუმცა კონსულტაციები იქნება ჩემს თანამებრძოლებთან და თანაგუნდელებთან“, – განაცხადა ლევან ხაბეიშვილმა.

ავტორი
ნინი ხიჯაკაძე