“ეს ყველაფერი საფრთხის შემცველია, ამას სჭირდება კონტროლი” – გიორგი რუხაძე რუსეთის მოქალაქეების საქართველოში მიგრაციაზე

საქართველოს ტერიტორიაზე რუსეთის მოქალაქეების მასიურ შემოდინების, ბინადრობის უფლების მიღებისა და მათ მიერ ქვეყანაში ბიზნესის უპრობლემოდ წარმოების გამო შექმნილ საფრთხეებზე საუბრობს ,,მთავარი არხის” ჟურნალისტთან სტრატეგიული ანალიზის ცენტრის (GSAC) დამფუძნებელი გიორგი რუხაძე:

,,სტატისტიკა აჩვენებს, რომ ეს არის საქართველოს საერთო მოსახლეობის 3%-ზე მეტი და მათ აქვთ თითქმის იდენტური უფლებები, რაც საქართველოს მოქალაქეებს, რომელიც შეეხება ბიზნესის წარმოებას თუ ქონების შეძენას, აქ ჩანს, რომ მიწასაც ინტენსიურად ყიდულობენ, რაც ასევე – გასარკვევია, სასოფლო სამეურნეოა, სხვა ტიპის მიწაა თუ ა.შ.

რა თქმა უნდა, ეს ყველაფერი საფრთხის შემცველია. ამას სჭირდება კონტროლი იქიდან გამომდინარე, რომ ეს ძალიან ბევრ რაღაცას შეცვლის დემოგრაფიული, ეკონომიკური და უსაფრთხოების თვალსაზრისით“, – განაცხადა გიორგი რუხაძემ.

ავტორი
ნინი ხიჯაკაძე