საქართველოს პრეზიდენტის მიერ ნიკა გვარამიას შესაძლო შეწყალებასთან დაკავშირებით კონკრეტული განმარტებებს აკეთებს “ქართული ოცნების” თავმჯდომარე ირაკლი კობახიძე და გამოთქვამს ვარაუდს, სალომე ზურაბიშვილი გვარამიას არ სეიწყალებს:
„ვერ ჩავერევი პრეზიდენტის გადაწყვეტილებაში, შესაბამის ინსტანციებს აქვთ სათანადო გადაწყვეტილების მიღების უფლება. მე უბრალოდ გაგახსენებთ, რა სიტყვებით მოიხსენიებდა ნიკა გვარამია საქართველოს პრეზიდენტს. სამი სიტყვა გამოიყენა მან: პირველს გაგახსენებთ – ეს იყო რეზიდენტი, მეორეს და მესამეს ეთიკიდან გამომდინარე უბრალოდ არ გავიხსენებ.
როდესაც ამის შემდეგ ჩვენ თეორიულად ვსაუბრობთ იმაზე, რომ სალომე ზურაბიშვილმა შეიძლება შეიწყალოს ნიკა გვარამია, მაშინ გამოდის, რომ სალომე ზურაბიშვილი, საერთოდ, ოდნავადაც არ სცემს პატივს პრეზიდენტის ინსტიტუტს.
მე მგონი ეს ასე არ იქნება და მინიმალური პატივისცემა იქნება გამოვლენილი ინსტიტუტის მიმართ და ასეთ შემთხვევაში გამორიცხულია შეწყალება,“ – განაცხადა ირაკლი კობახიძემ.
