თბილისის მერის, კახა კალაძის მიერ ვაკის პარკში მომხდარი ტრაგედიის დროს გადარჩენილ ბავშვთან სტუმრობის, მისთვის საჩუქრების გადაცემის თაობაზე მედიაში გავრცელებულ ფოტოებთან დაკავშირებით ოპოზიციისა და საზოგადოების გარკვეული ნაწილის მხრიდან გამოხატულ პროტესტს ეხმაურება და ჟურნალისტებთან კომენტარს აკეთებს პარლამენტის იურიდიულ საკითხთა კომიტეტის თავმჯდომარე ანრი ოხანაშვილი:
,,კახა კალაძეს არ სჭირდება პიარკამპანია. შესაბამისად, მისი ქმედებები არ არის მიმართული პიარკამპანიისთვის, მით უმეტეს – ამ დროს.
პასუხისმგებლობას, რა თქმა უნდა, ყველა გრძნობს და არავის არ აქვს განცდა იმის, რომ ის, რაც ხდება ჩვენ არავის არ გვეხება.
რა თქმა უნდა, ეს ყველას ეხება – აბსოლუტურად ყველას. არავინ არ არის გულგრილი ამ ტრაგედიისადმი.
გამოძიებამ უნდა გამოკვეთოს ვინ დააშავა!
კახი კალაძეს რომ პირადად რამე დაერღვია, მისი საკითხიც შეიძლებოდა დამდგარიყო და ლოგიკური იქნებოდა“, – განაცხადა ანრი ოხანაშვილმა.
ავტორი
ნინი ხიჯაკაძე
