“აი ვის ეყრდნობა და ვისზე დგას იდეოლოგიურად ივანიშვილის რეჟიმი” – შალვა ნათელაშვილი გოგა ხაინდრავაზე:

“ლეიბორისტული პარტიის” თავმჯდომარე, შალვა ნათელაშვილი მწვავე შეფასებებით ეხმაურება კინორეჟისორ გოგა ხაინდრავას მიერ „იმედი LIVE“-ის ეთერში ოპოზიციის მიმართ ნეგატიური და პრემიერ-მინისტრ ირაკლი ღარიბაშვილთან მიმართებაში პოზიტიური დამოკიდებულების დაფიქსირების გამო და კონკრეტულ მძიმე ფაქტებს შეახსენებს მას:

“ადამიანურად მაინტერესებს ეს მორფში დამბალი არსება:

რას გრძნობდა როცა სახელმწიფო გადატრიალებისას ქართველებს ტყვიას ესროდა, როცა აფხაზეთში ომის დროს, როგორც სახელმწიფო მინისტრი, ჯართს და ჰუმანიტარულ ფქვილს რომ ყიდიდა, როცა ოსი სეპარატისტებისგან მოკლულ-ნაწამებ ქართველს ქართველთა გენოციდის მსხვერპლ ოსად ასაღებდა მთელს მსოფლიოში, როდესაც პრაღაში აღებინებდა რეზოლუციას, რომ ქართველები მცირე ერებს გენოციდს ვუწყობთ;

რას გრძნობდა, როდესაც “ვარდები რევოლუციის” დროს რევკომის წევრი იყო და ამ დამსახურებით გახდა სააკაშვილის სახელმწიფო მინისტრი კონფლიქტების მოგვარებაში;

რას გრძნობდა როდესაც მილიონები შეაწერა ბადრი პატარკაციშვილს და მერე დედის გინება დაუწყო;

და ახლა რას ფიქრობს, როდესაც ივანიშვილის წველით და ნამუსის სრული თვითლიკვიდაციით, ერის გაყიდვით მილიონებში რომ ბანაობს?

არაფერს, რას უნდა ფიქროდეს – მას და მისთანებს დიდი ხანია ადამიანობის ზონა დატოვებული აქვთ.

აი ვის ეყრდნობა და ვისზე დგას იდეოლოგიურად ივანიშვილის რეჟიმი,” – წერს ფეისბუქის პირად გვერდზე შალვა ნათელაშვილი.