საქართველოს პრემიერ-მინისტრი ირაკლი ღარიბაშვილი ჟურნალისტებთან კომენტარს აკეთებს ე.წ ,,განდგომილი” დეპუტატების პოზიციასთან დაკავშირებით და ირაკლი კობახიძის შეფასებაზე “განდგომილ” დეპუტეტებთან მიმართებაში, წინა ხელისუფლებასთან შედარების კონტექსტში:
,,რა თქმა უნდა, ყველა ადამიანს აქვს უფლება, რომ მიიღოს ნებისმიერი გადაწყვეტილება, რაც თავად მიაჩნია. ჩვენ ასე გვესმის დემოკრატია, ჩვენ ვართ დემოკრატიული საზოგადოება. მაქსიმალურად ხელი უნდა შევუწყოთ პლურალიზმს, სხვადასხვა იდეების, იდეოლოგიების განვითარებას და საბოლოო ჯამში, ხალხმა უნდა გადაწყვიტოს.
ჩემთვის პირადად, მე ადრეც მითქვამს და კიდევ გავიმეორებ, ჩვენ გვქონდა გუნდის შიგნით საუბარი ამ საკითხებზე. ჩვენ მათ ვუთხარით, რომ არ ვეთანხმებით მათ პოზიციებს და ეს ღიად დავაფიქსირეთ.
ჩვენ ვუთხარით, რომ მიუღებელი იყო მათი ასეთი ფორმით გამოხატულება პოზიციების. მე ამის თაობაზე ვთქვი, რომ ჩვენი მთავარი ამოცანა უნდა იყოს, ჩვენ ვართ პატარა ქვეყანა, გვაქვს ძალიან ბევრი გამოწვევა, ნაწილი ტერიტორიის არის ოკუპირებული, ჩვენ გვჭირდება მეტი ძლიერი პარტნიორი და მოკავშირე. ჩვენ გვჭირდება ყველასთან ძალიან კარგი და ძლიერი ურთიერთობა, მითუმეტეს ჩვენს მთავარ პარტნიორებთან.
“პარტიის თავმჯდომარე ირაკლი კობახიძე რატომ იზიარებს მათ პოზიციებს, მხოლოდ თქვენ იყავით უმცირესობაში ამ შემთხვევაში თუ სხვამაც იგივე პოზიცია გააჟღერა?!“ [ჟურნალისტის შეკითხვა].
კონტექსტი არ უნდა დავამახინჯოთ. პარტიის თავმჯდომარემ რა იგულისხმა, თქვენ რომელ სიმართლეზე მელაპარაკები?! ის ღირებულებითი განსხვავება, რაც ჩვენ გვაქვს ოპოზიციასთან არის შემდეგი, რომ ისინი მართავენ ქვეყანას დიქტატორული, ავტოკრატიული გზებით. ღირებულებები – ეს არის ადამიანის უფლებები, თავისუფლება, ქვეყნის სიყვარული და ასე შემდეგ“, – განაცხადა ირაკლი ღარიბაშვილმა.
ავტორი
ნინი ხიჯაკაძე
