სახალხო დამცველმა ნინო ლომჯარიამ პარლამენტში ანგარიში წარადგინა. ომდბუდსმენის განმარტებით, ევროინტეგრაციის პროცესის გათვალისწინებით, სათანადოდ უნდა იყოს შერჩეული პოლიტიკური გავლენებისგან თავისუფალი ახალი სახალხო დამცველი:
,,ბატონ კობახიძეს ესეთი რამ, პირდაპირაც აქვს ნათქვამი. მაგალითად, შარშან ამბობდა ის, რომ მომავალი სახალხო დამცველი იქნებოდა ისე შერჩეული, რომ ის ყოფილიყო მათთან აფილირებული და მათი გავლენის ქვეშ.
იმედი მაქვს, რომ ძალიან კარგად იაზრებენ იმ პასუხისმგებლობას, მათ შორის, მმართველ გუნდშიც, ოპოზიციურ პარტიებშიც, თუ რამხელა მნიშვნელობა ექნება ამ პროცესის შედეგად დამოუკიდებელი, ანუ ხელისუფლებისგან, მმართველი თუ ოპოზიციური პოლიტიკური გავლენებისაგან თავისუფალი კანდიდატის შერჩევას ევროინტეგრაციის პროცესისთვის.
მოხსენებაში, ყველა მნიშვნელოვანი მოვლენა, რაც გასულ წელს მოხდა და ბუნებრივია, მიხეილ სააკაშვილის პატიმრობა და შიმშილობასთან დაკავშირებული მოვლენები – ეს საკითხებიც მოხვდა“, – განაცხადა ნინო ლომჯარია.
ავტორი
ნინი ხიჯაკაძე
