იურისტი, საჯარო მმართველობის დოქტორი თამთა მეგრელიშვილი პრემიერ-მინისტრ ირაკლი ღარიბაშვილის საქმიანობის პოზიტიურად შეფასების პარალელურად მკვეთრად ნეგატიურად აფასებს ოპოზიციას:
“ირაკლი ღარიბაშვილი საქვეყნო საქმისთვის წარმატებით იყენებს ყველა საერთაშორისო პლატფორმას.
დიახ, საერთაშორისო კონფერენციასა თუ მაღალი დონის შეხვედრებზე ის დაუფარავად აცხადებს რუსეთს, როგორც ოკუპანტ სახელმწიფოს, საუბრობს რეგიონში არსებულ ვითარებაზე, საქართველოს, ჩვენი ქვეყნის ევროპულ პერსპექტივაზე და პოლიტიკური დეპოლარიზაციის მნიშვნელობაზე.
გერმანიის ფედერაციული რესპუბლიკის კანცლერ ოლაფ შოლცთან და გერმანიის პრეზიდენტთან შეხვედრისას პრემიერის მიერ კიდევ ერთხელ გაესვა ხაზი “ქართული ოცნების” გუნდის მზაობას
შესრულდეს 12 პუნქტიანი მოთხოვნა, შენარჩუნდეს პოლიტიკურად ღია კარი ყველასთვის (ოპოზიციის წარმოამდგენლებისთვის) და საქმის კეთება შედეგით განისაზღვროს.
საქმის კეთების ევროპულ პოლიტიკურ კულტურას კვლავ გაურბიან “ნაციონალური მოძრაობის” წევრები, მაღალი დონის შეხვედრებს აბუჩად იგდებენ და უმნიშვნელოდ თვლიან, საქმის კეთება მხოლოდ რუბლის დახურდავება და პოლიტიკური კლოუნადის მოწყობა ჰგონიათ.
მოკლედ, სანამ პრემიერის მიერ სახელმწიფოებრივი საქმე კეთდება ოპოზიციონერები პოლიტიკურ ლაფში ღრმად ეფლობიან და ოპოზიციურ არხებზე “ღრუტუნს” საქმედ თვლიან“, – წერს ფეისბუქის პირად გვერდზე თამთა მეგრელიშვილი.
