საქართველოს პარლამენტის თავმჯდომარე შალვა პაპუაშვილი ჟურნალისტებთან პოლიტიკურ შეფასებას აკეთებს საქართველოში მეორე ფრონტის გახსნასთან დაკავშირებით არსებულ მოსაზრებებზე. მისი განცხადებით, სხვადასხვა პირების მხრიდან ხშირად ხდებოდა საქართველოს სამხედრო კონფლიქტში ჩართვის სურვილის გამოხატვა:
,,რისკი რომ არსებობს, ამას მტკიცებაც არ უნდა, როდესაც საქართველოს ტერიტორიის ნაწილი ოკუპირებულია და როდესაც რუსი სამხედროები ამ შენობიდან რამდენიმე ათეულ კილომეტრში არიან განთავსებული.
სხვადასხვა აქტორების მხრიდან ხან პირდაპირი, ხან ირიბი, ხან შეფარვითი, ხან შეგულიანება ხდებოდა ან პირდაპირი მოწოდება, რომ საქართველო გარკევულწილად ამ პროცესში ჩაერთოს.
სამხედრო დაპირისპირებას, რაც შეეხება – ეს ისეთი თემა არის, როდესაც ხელისუფლებაც კი ვერ გადაწყვეტს. ვინაიდან ეს არის საკითხი, რომელიც ეხება ქვეყნის უსაფრთხოებას და აქ ხაზგასმა პარტიის თავმჯდომარეს უნდოდა იმაზე, რომ ეს ყველაფერი აბსოლუტურად ეწინააღმდეგება ჩვენი საზოგადოების ინტერესსაც, მათ მოსაზრებასაც და ა.შ. და არის გახმოვანება ცალკეული ადამიანების აზრისა“, – განაცხადა შალვა პაპუაშვილმა.
ინფორმაციისთვის: პარტია ,,ქართული ოცნების“ თავმჯდომარემ ირაკლი კობახიძემ განცხადება გააკეთა საქართველოში ომის მეორე ფრონტის გახსნასთან დაკავშირებით. მმართველი პარტიის ლიდერის აზრით საჭიროა ქვეყნის მოსახლეობას აზრი გაგება/გათვალისწინება ამ საკითხთან დაკავშირებით.
ავტორი
ნინი ხიჯაკაძე
