ინტერნეტგამოცემა “ტაბულას” დამფუძნებელი, თამარ ჩერგოლეიშვილი სოციალურ ქსელში მიხეილ სააკაშვილის ადვოკატის, შალვა ხაჭაპურიძის გამონათქვამის ციტირებას ახდენს, რომ მიხეილ სააკაშვილი უკრაინის საკითხებზეა გადართული და აგვისტოს ომის თემაზე განცხადებაც კი არ გაუკეთებია და აღნიშნულის გამო მწვავე შეფასებებს აკეთებს საქართველოს მე-3 პრეზიდენტის მიმართ:
“ჯერ მარტო იმიტომ მინდა ივანიშვილის რეჟიმის დასრულება, რომ ეს განგრძობადი და პროგრესირებადი ეროვნული სირცხვილი დასრულდეს.
ანწუხელიძის ქვეყანაში ვარდების რევოლუციის სიმბოლოს ასეთი გადაგვარება ეროვნული ტრაგედიაა.
სიმბოლოებს აქვს მნიშვნელობა.
სიმბოლოების გაფარჩაკება დიდი დარტყმაა ქვეყნისთვის.
პ.ს. რომ გადავთარგმნო – სააკაშვილის წარმომადგენელი, რომელიც ერთადერთი მიზეზითაა ნაქირავები – ბიძინასთან სააკაშვილის ციხიდან გაშვება დაალაგოს ყველაფრის ფასად – აცხადებს, რომ სააკაშვილს აგვისტოს ომის გმირები არ გახსენებია და ეს კიდევ ერთი საბუთია, რომ ციხიდან უნდა გაუშვან.
ანწუხელიძის ქვეყანაში ხდება ეს“, – წერს ფეისბუქის პირად გვერდზე თამარ ჩერგოლეიშვილი.