სოციალურ ქსელში “ქართული ოცნების” მიმართ ირონიანარევ, უკმაყოფილო პოსტს აქვეყნებს პოლიტიკის ანალიტიკოსი, რესპუბლიკური პარტიის ყოფილი წევრი დავით ზურაბიშვილი:
“რუსეთთან სავიზო რეჟიმს ითხოვ? ომი გინდა!
რუსეთისთვის დაწყებულ სანქციებთან შეერთებას ითხოვ? ომი გინდა!
რუსი მიგრანტების თავხედური ქცევა არ მოგწონს? ომი გინდა!
ამერიკის ელჩის წინააღმდეგ გალაშქრება ანტიდასავლური კამპანია გგონია? ომი გინდა!
ევროკავშირის ელჩს რომ საქართველოდან წასვლისას შეუთვალეს, წინ წყალი უკან მეწყერიო, არ მოგეწონა? ომი გინდა!
მმართველი პარტიის თავმჯდომარე რომ გამოდის ყოველდღე და ვინც რუსზე ცუდი რამე თქვას გული გაუპოს დანამაო, იწყევლება, არც ეს მოგწონს? ომი გინდა!
არც იმით ხართ აღშფოთებული, რომ კელი დეგნანი არ ემიჯნება ეკა გიგაურს? ომი გინდა!
მოკლედ, ზემორე ლოგიკას თუ გავყვებით, ისეთი სურათი იხატება, რომ საქართველოში ვისაც ომი არ უნდა, ყველა ძალიან მაგარი *ლეა და ცოტა დაფიქრდით რა, ამ ომიგინდათ მესიჯბოქსს რომ არახუნებთ უპრაგონოდ“, – წერს ფეიაბუქის პირად გვერდზე დავით ზურაბიშვილი.
