პარტია “კანონი და სამართლის” თავმჯდომარე თაკო ჩარკვიანი, “ერთიანი საქართველოს” თავმჯდომარეს, ნინო ბურჯანაძეს უპირისპირდება, მის მიერ ვლადიმერ პუტინთან მიმართებაში გამოთქმული კონკრეტული პოზიტიური შეფასებების გამო:
“ჰოდა რატომ გვიკვირს რომ ვნადგურდებით??? აი “ესენი” ეს “პოლიტ პუტინკები” რომ ქართულ პოლიტიკაში იქნებიან, კობახიძის რა გვიკვირს?! იმიტომ ვართ, სადაც ვართ – პოლიტიკურ “ფსკერზე”!
“პუტინი არის დიდი პოლიტიკოსი, ის არ არის საქართველოს მტერი, მას არ უნდა საქართველოსთვის ცუდი” – ნინო ბურჯანაძე!!!
ესე იგი მთელი მსოფლიო ტერორისტად მოიხსენიებს, ამწიოკებელს და პოლიტ.მანიაკს უწოდებს და ეს ამბობს “დიდი პოლიტიკოსია და საქართველოსთვის არ უნდა ცუდიო“. ტერიტორიები წაგვართვა, გაგვანადგურა, აწამა ადამიანები, ბავშვები ქალები, ყველა უბედურება მისგან მოდის, ყველასთვის და უპირველესად საქართველოსთვის, წაგვართვა ტერიტორიები, დაგვბომბა და კიდევ აგრძელებს და “ეს” პოლიტიკანი ამბობს “საქართველოსთვის არ უნდა ცუდიო“…
ჰოდა სანამ თავად ჩვენ არ გავარკვევთ კარგად შავს და თეთრს და სანამ კოლაბორაციონალი – მტერთან გარიგებული პოლიტიკოსში აგვერევა, მანამდე ამ “განადგურების ზღვარზე” ვიქნებით…“, – განაცხადა თაკო ჩარკვიანმა.
ინფორმაციისთვის: ნინო ბურჯანაძემ, რამდენიმე თვის წინ, “პალიტრანიუსის” გადაცემაში “პოლიტ-ქალაქი” კონკრეტული შეფასებები გააკეთა ვლადიმერ პუტინთან მიმართებაში:
“პუტინი დიდი პოლიტიკოსია, ნამდვილად და დიდი პოლიტიკოსი არ შეიძლება იყოს ვინმეს მტერი ან მეგობარი. ია არ არის საქართველოს მტერი. მე მას ვიცნობ, საქართველოზე მისაუბრია და მინდა გითხრათ, რომ მისი თვითმიზანი საქართველოსათვის ცუდის გაკეთება არ არის“, – აღნიშნა ნინო ბურჯანაძემ.
