“აი, ეს არის პუტინისტური რეჟიმის მოქმედება“ – გიორგი ვაშაძე ჰააგაში საქართველოს ხელისუფლების მიერ დაფიქსირებულ პოზიციაზე

ჰააგაში რუსეთის წინააღმდეგ უკრაინის სარჩელს საქართველო არ უერთდება. აღნიშნულთან დაკავშირებით, ხელისუფლების მიმართ, მწვავე შეფასებებს აკეთებს ,,სტრატეგია აღმაშენებლის“ ლიდერი გიორგი ვაშაძე:

,,ეფ-ეს-ბე“-დან მოვლენილმა იმ ჯგუფმა, რომელიც ახლა ,,ქართულ ოცნებას“ უქმნის ლეგენდებს, პუტინის დანაბარებიც გადასცა.

პუტინმა, როგორც ჩანს, დატუქსა ესენი, როგორ გაბედეთო ჰააგაში, რომ ხელი მოაწერეთ იმ დოკუმენტს და ახლა მეორედ ეგეთი შეცდომა არ დაუშვათო.

ხო და არ დაუშვეს მეორე შეცდომა. ახლა, ამ შემთხვევაში შეასრულეს პუტინის დავალება.

სამარცხვინოა! მე მრცხვენია ხმა როგორ უნდა ამოვიღოთ საქართველოს ფარგლებს გარეთ, როცა ჩვენ მართლაც ფარგლებს გარეთ მთელ ქვეყანას წარმოვადგენთ.

აი, ეს არის პუტინისტური რეჟიმის მოქმედება“, – განაცხადა გიორგი ვაშაძემ.

ავტორი
ნინი ხიჯაკაძე