“ციხეებში ჩვენ გვექმნებოდა პატიმართა გარკვეული ჯგუფის მხრიდან პრობლემები, რომლებიც კოორდინირებულნი იყვნენ ციხის ადმინისტრაციასთან” – ნინო ლომჯარია

ციხეებში არაფორმალურ მმართველობაზე ჟურნალისტებთან განცხადებას აკეთებს სახალხო დამცველი ლომჯარია და აცხადებს, რომ არსებული ვითარება ემთხვევა 2020 წლის ანგარიშს:

,,2020 წელს, საქართველოს პარლამენტის საკომიტეტო მოსმენაზე, მე წარმოვადგინე ანგარიში, რომელიც შეეხებოდა პენიტენციურ სისტემაში არაფორმალურ მმართველობას ე.წ. კრიმინალურ სუბკულტურას, იმ გამოწვევებს და პრობლემებს, რაც ახლავს ამ სისტემის არსებობას პატიმრებისთვის.

მაშინ სახალხო დამცველი გახდა დისკრედიტაციის თავდასხმის ობიექტი. მათ შორის, ციხეებში ჩვენ გვექმნებოდა პატიმართა გარკვეული ჯგუფის მხრიდან პრობლემები, რომლებიც კოორდინირებულნი იყვნენ ციხის ადმინისტრაციასთან.

სამიზნე იყო არაფორმალური მმართველობის პრობლემის იდენტიფიცირება ქართულ ციხეებში ე.წ. მაყურებლების მეშვეობით და ა.შ. მათ ამ მონიტორინგის შედეგად დააიდენტიფიცირეს მსგავსი პრაქტიკა.

ისინი საუბრობენ ე.წ. ,,ობშიაკის“ აგროვების პრაქტიკაზე, პატიმრების იძულების სხვა და სხვა მეთოდებზე, ციხის ე.წ. მაყურებლების მხრიდან, საუბრობდნენ ძალიან საეჭვო ფიზიკურ დაზიანებებზე, რომელთა გამოძიებაც და შესწავლა არასათანადოდ ხდება…“, – განაცხადა ნინო ლომჯარიამ.