პარლამენტის წევრი, პარტია ,,ლელო საქართველოსთვის“ პოლიტიკური მდივანი სალომე სამადაშვილი მწვავე კომენტარს აკეთებს მმართველი გუნდის სამოქმედო გეგმაზე საქართველოს ევროინტეგრაციის პროცესთან დაკავშირებით:
,,მე მინდა სრული პასუხისმგებლობით განვაცხადო – ,,ქართულ ოცნებას“ ერთადერთი დღის წესრიგი აქვს, რომ ჩვენი ქვეყანა არ გაწევრიანდეს არც ევროკავშირში, არც NATO-ში.
ამიტომ სანამ ეს ხალხი მართავს ჩვენს ქვეყანას. არანაირი პროგრესი ჩვენ არ გვექნება, არანაირი კანდიდატი ქვეყნის სტატუსს ჩვენ არ მივიღებთ.
ახლა უკვე, 6 თვით ადრე, ამისთვის ამზადებს მმართველი გუნდი საზოგადოებას და ატყუებს უსინდისოდ, რომ თითქოს ომში ჩართვას სთხოვს ვინმე საქართველოს.
იმისთვის, რომ კანდიდატი ქვეყნის სტატუსი მიიღოს საქართველომ. ამით სურთ ზემოქმედება საზოგადოებრივ აზრზე. იმიტომ, რომ საზოგადოება არის აღშფოთებული და სამართლიანად. იმიტომ, რომ ჩვენ ვხედავთ როგორ მიგვათრევენ პირდაპირ რუსეთის უკანა ეზოში“, – განაცხადა სალომე სამადაშვილმა.
ავტორი
ნინი ხიჯაკაძე
