საქართველოს პარლამენტის თავმჯდომარე შალვა პაპუაშვილი პოლიტიკურ შეფასებას აკეთებს არასამთავრობო სექტორთან მიმართებაში. მმართველი პარტიის ერთ-ერთი ლიდერი პოლარიზებასთან დაკავშირებითაც აფიქსირებს თავის პოზიციას:
,,ამ ფორმატებს – ვთქვათ სამუშაო ჯგუფებს და ა.შ. ასეთი ჯგუფების შექმნას კითხვის ნიშნის ქვეშ აყენებს ის ხალხი, რომელიც თავად ითხოვს მთლიანად ტექნიკური მთავრობის შექმნას.
მიხეილ სააკაშვილი სასჯელაღსრულების დაწესებულებაში იმყოფება 2021 წლის ოქტომბრიდან. მანამდე პოლარიზაცია არ იყო ამ საზოგადოებაში?! კიდევ ერთხელ მანიპულაცია არის ტერმინებით, თითქოს ამას რამე კავშირი ჰქონდეს. არანაირი კავშირი ამას ამასთან არ აქვს.
საბოლოო ჯამში, პოლარიზაციის საფუძველი არის ის, რომ უკვე წლებია ,,ნაციონალური მოძრაობა“ არ აღიარებს არჩევნებს.
დიდი ხანია ვაფრთხილებდით, მათ შორის, ამ კონკრეტულ არასამთავრობო ორგანიზაციებს, რომ საბოლოო ჯამში ეს დამთავრდებოდა მათი დისკრედიტაციით და ასეც მოხდა.
სამწუხაროა, რომ წლების განმავლობაში გარკვეულწილად ნაშენები სექტორი ასე ჩამოიშალა. იმის გამო, რომ მათ საკუთარი პოლიტიკური პრეტენზიები ვერ მოთოკეს. პირდაპირ ჩაერთვნენ პოლიტიკაში.
გუშინდელი დღე იყო უბრალოდ ამის პიკი, როდესაც ჩვენ ვნახეთ არასამთავრობო ორგანიზაციების ნაწილი, რომლებიც ჩვეულებრივად პოლიტიკურ პარტიებად იქცნენ“, – განაცხადა შალვა პაპუაშვილმა.
ავტორი
ნინი ხიჯაკაძე
