“დღეს რატომ უნდა ვიყოთ ბევრი? – იმიტომ, რომ პასუხი გავცეთ ყველა იმ უმსგავსობას, რითაც ხელისუფლება უპირისპირდება ხალხის სამართლიან მოთხოვნას” – მიშა მშვილდაძე

პროდიუსერი, ტელეწამყვანი მიშა მშვილდაძე კომენტარს აკეთებს დღეს 20:00 საათზე დაანონსებულ ახალი სახალხო მოძრაობის საპროტესტო მსველობაზე და მოსახლეობას მოუწოდებს ერთობისკენ:

,,დღეს რატომ უნდა ვიყოთ ბევრი? – იმიტომ, რომ პასუხი გავცეთ ყველა იმ უმსგავსობას, რითაც ხელისუფლება უპირისპირდება ხალხის სამართლიან მოთხოვნას.

ხალხის სამართლიანი მოთხოვანა არის საქართველოს ევროინტეგრაციის კონსტიტუციით გამაგრებული კურსის დაცვა ხელისუფლების მიერ და პასუხისმგებელი პირების გადაყენება და გამოკვეთა, ყველა პასუხისმგებელი პირის, ვინც ჩააგდო საქართველოს ევროინტეგრაციის ის ეტაპი, რომელიც დასრულდა საქართველოსთვის კანდიდატის სტატუსზე უარის თქმით.

ზუსტად ამაზე პასუხად უნდა იყოს საზოგადოებისგან მწყობრი და ერთსულოვანი ერთობა“, – განაცხადა მიშა მშვილდაძემ.

ავტორი
ნინი ხიჯაკაძე