“არავითარი საჭიროება ამისა არ არსებობს, რომ სააკაშვილს შევუვარდეთ პალატაში და მისი ისევ ცუდად გახდომის, მდგომარეობის გაუარესების რისკი შევქმნათ” – შოთა თუთბერიძე

საქართველოს მე-3 პრეზიდენტის, მიხეილ სააკაშვილის დამძიმებულ ჯანმრთელობის მდგომარეობაზე კომენტარს აკეთებს ადვოკატი შოთა თუთბერიძე:

,,დაცვის მხარის პოზიცია იყოს ის, რომ ამ სასამართლოს მიზანი თუ არ არის ადამიანის წამება, პოლიტიკური მიზანი თუ არ არის ამ საქმის სწრაფად დასრულება, ამას თუ არ ემსახურება სასამართლო პროცესი, არავითარი აუცილებლობა იმისა, რომ ადამიანს, რომელიც ავადმყოფია და საკმაოდ რთულ მედიკამენტოზურ და არა მხოლოდ მედიკამენტოზურ მკურნალობას გადის, შევუვარდეთ პალატაში და მისი ისევ ცუდად გახდომის, მდგომარეობის გაუარესების რისკი შევქმნათ – არავითარი საჭიროება ამისა არ არსებობს.

სასამართლომ ჩათვალა, რომ სამკურნალო დაწესებულებიდან გამოგზავნილი ცნობით არ ირკვეოდა მიხეილ სააკაშვილს შეუძლია თუ არა ჩვენების მიცემა და ჯეროვანი მონაწილეობის მიღება სასამართლო პროცესში და შესაბამისად გადადო სხდომა“, – განაცხადა შოთა თუთბერიძემ.

ავტორი
ნინი ხიჯაკაძე