სპეციალურმა საგამოძიებო სამსახურმა „TV პირველი”-ს თანამშრომლებისთვის – ჟურნალისტ ნანუკა ქაჯაიასა და მისი ოპერატორისთვის ჟურნალისტურ საქმიანობაში უკანონოდ ხელის შეშლის ფაქტზე, საქართველოს სისხლის სამართლის კოდექსის 154-ე მუხლის მეორე ნაწილით გამოძიება დაიწყო.
სპეციალური საგამოძიებო სამსახური ყველა საჭირო საგამოძიებო და საპროცესო მოქმედებას ობიექტური და სრულყოფილი გამოძიების უზრუნველყოფის მიზნით შემჭიდროებულ ვადებში ჩაატარებს.
მომხდარ ფაქტთან დაკავშირებით, სოციალურ ქსელში, პოსტი გამოაქვეყნა ტელეკომპანია ფორმულას ჟურნალისტმა თიკო ერაძემ:
“ამ წამს, დოლიძეზე, ნარკომანი, დამპალი ს*რების ბრბო თავს დაესხა, ჩემ თვალ წინ, ნანუკა ქაჯაიას და მის ოპერატორს, გინებით, ხელების ქნევით, ჯაჯგურით, შემთხვევით შევესწარი. საერთოდ სხვა რესპოდენტის ჩასაწერად მოსულებს. მხოლოდ იმიტომ, რომ ტვ “პირველის” მიკროფონი ეჭირა ხელში. მამუკა მდინარაძე, აი ეს ხართ, ეს არის თქვენი სახე, ყველაფერზე თქვენ ხართ პასუხისმგებელი. ეს ღორები არიან თქვენი ნამდვილი სახე“.
