“ამ ახალგაზრდა ბიჭებს უნდა მოემატოთ ანაზღაურება, მინიმუმ 500 ლარი მაინც უნდა ჰქონდეთ. ხომ არ ფიქრობთ, რომ ამაზე თქვენ ყურადღება უნდა გაამახვილოთ და გულთან მიიტანოთ ქართველი ახალგაზრდა ვაჟკაცი წვევამდელების ყოველდღიური ყოფითი პრობლემები, რომელიც მათ აქვთ?!” – ასე მიმართა “სტრატეგია აღმაშენებლის” თავმჯდომარემ გიორგი ვაშაძემ პლენარულ სხდომაზე, მინისტრის საათის ფორმატში მოსულ თავდაცვის მინისტრ ჯუანშერ ბუფჭულაძეს”
“ბატონო ჯუანშერ, თუ იცით რამდენი ლარია წვევამდელების ანაზღაურება? – ამ ადამიანების ანაზღაურება არის 75 ლარი ხელზე თვეში, მაქსიმუმ 80 ლარი, ეს ადამიანები არიან წვევამდელები და ამ კაპიკებს იღებენ, ამ კაპიკებით ყოველ მესამე დღეს 24 საათი მორიგეობენ, სახლში უნდა წავიდნენ, უნდა იკვებონ, უნდა მოვიდნენ და დაიცვან საქართველოს პარლამენტი, სხვა სახელმწიფო უწყებები.
ბატონო ჯუანშერ თქვენ თუ იცით შრომაში დაცვის პოლიცია რამდენს იღებს ერთი ადამიანის ხარჯზე? – 1000 ლარს, ანუ ათას ლარამდე მათ შრომაში იღებს დაცვის პოლიცია და 75 ლარს აძლევს ამ ადამიანებს, ხომ არ ფიქრობთ, რომ ეს უბრალოდ არაადამიანურია?!
ამ ახალგაზრდა ბიჭებს უნდა მოემატოთ ანაზღაურება, მინიმუმ 500 ლარი მაინც უნდა ჰქონდეთ. ხომ არ ფიქრობთ, რომ ამაზე თქვენ ყურადღება უნდა გაამახვილოთ და გულთან მიიტანოთ ქართველი ახალგაზრდა ვაჟკაცი წვევამდელების ყოველდღიური ყოფითი პრობლემები, რომელიც მათ აქვთ?!
მეორე საკითხზე მინდა ვისაუბრო ზუსტად იგივე ხელფასებთან დაკავშირებით. პროფესიონალურ ჯარში რიგითის ხელფასი ვეძებეთ, ბოლო მონაცემი, რომელიც ვნახე წელიწადნახევრის წინ იყო, მას შემდეგ ცოტა მოიმატა, მაგრამ დაახლოებით 900-დან 1000-ლარამდე შუალედშია, ხელზე უფრო ნაკლები გამოდით ჯარისკაცებს. ხომ არ ფიქრობთ, რომ ეს იმდენად დაბალი ხელფასია, რომ ადამიანი, რომელიც საკუთარ თავს უძღვნის ქვეყნის ტერიტორიულ მთლიანობას, თავდაცვისუნარიანობას, თუ საჭირო გახდა სიცოცხლე უნდა დათმოს, მას მინიმუმ უნდა გაუორმაგდეს და თქვენ რას იტყვით, რომ ამ ხალხს გაუორმაგდეთ ხელფასები?!
თუ ამაზე დაგვთანხმდებით, თქვენთან ერთად ვიმუშავებთ, ბიუჯეტში ეს თანხა ვიშოვით, რომ მათი ანაზღაურება იყოს მეტ-ნაკლებად ღირსეული. ჩემი აზრით მთავარ სპეციალისტზე ნაკლები ხელფასი ჯარისკაცს არ უნდა ჰქონდეს და ასევე, ვფიქრობ, პოლკოვნიკებზე, კაპიტნებზე, სერჟანტებზე და ა.შ.
ბოლოს მინდა ჩემი გულწრფელი პატივისცემა გამოვხატო ყველა ჯარისკაცთან მიმართებაში, თქვენ ღირსეული ადამიანები ხართ და ჩვენ ყოველთვის დავიცავთ თქვენს ინტერესებს ნებისმიერ ადგილზე, სადაც არ უნდა იყოთ”, – განაცხადა გიორგი ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს