“რომ იყოს გაყვანილი საზღვარგარეთ, მას უნდა გადაუვადდეს სასჯელი, ან უნდა გათავისუფლდეს სასჯელისგან” – რატი ბრეგაძე მიხეილ სააკაშვილზე

639

იუსტიციის მინიტრი რატი ბრეგაძე ჟურნალისტებთან კომენტარს აკეთებს საქართველოს მე-3 პრეზიდენტის, მიხეილ სააკაშვილის საზღვარგარეთ სამკურნალოდ გაყვანის საკითხზე და აცხადებს, რომ მსჯავრდებული პატიმარი იყოს გაყვანილი სამკურნალოდ ქვეყნის ფარგლებს გარეთ ამის პრაქტიკა არ არსებობს:

,,იმისთვის, რომ ადამიანმა შეძლოს საზღვარგარეთ წასვლა, ვგულისხმობ ამ შემთხვევაში პატიმარს, ის არ უნდა იყოს მსჯავრდებული და არ უნდა იხდიდეს სასჯელს საქართველოში.

თუკი საუბარი არის იმაზე, რომ ადამიანი უნდა იყოს გაყვანილი საზღვარგარეთ, მას უნდა გადაუვადდეს სასჯელი, ან უნდა გათავისუფლდეს სასჯელისგან. ამის შესახებ გადაწყვეტილებას იღებს სასამართლო.

იუსტიციის სამინისტრო მოქმედებს ყოველთვის კანონის შესაბამისად და რასაც გადაწყვეტს სასამართლო, ბუნებრივია, ჩვენი მოქმედება იქნება იმის შესაბამისი.

პრაქტიკა იმისა, რომ მსჯავრდებული პატიმარი იყოს გაყვანილი სამკურნალოდ ქვეყნის ფარგლებს გარეთ არ არსებობს.

ზოგადად, ერთი რამე უნდა ვთქვა და აუცილებლად ამას მინდა ხაზი გავუსვა – ჩვენ მაქსიმალურად უნდა ვცეთ პატივი ჩვენს ექიმებს და სამედიცინო პერსონალს, რომელიც არის ძალიან მაღალკვალიფიციური და რამდენადაც ჩემთვის არის ცნობილი – მის დიაგნოზებში არ არის არც ერთი ისეთი დაავადება, რომელიც არ იკურნება საქართველოში“, – განაცხადა რატი ბრეგაძემ.

ავტორი
ნინი ხიჯაკაძე

კომენტარები პუბლიკაციაზე