“სტრატეგია აღმაშენებელმა” ვაშინგტონში კონგრესმენებთან და სენატორებთან ვიზიტი შეაჯამა. პარტიამ სხვადასხვა სფეროს წარმომადგენლებს და ექსპერტებს უმასპინძლა, სადაც დეტალურად განიხილეს შეხვედრის საკითხები. გიორგი ვაშაძის თქმით ვიზიტზე მთავარი თემები ქვეყანაში მიმდინარე პროცესები, სანქციები, თავდაცვის გაძლიერება და მძიმე ეკონომიკური მდგომარეობა იყო. პარტიის თავმჯდომარის განცხადებით, აშშ-მ საქართველოს ღია მხარდაჭერა კიდევ ერთხელ გამოუცხადა:
“ჩავაბარეთ ანგარიში ხალხს, ეს არის ის სტანდარტი, როგორც უნდა მუშაობდე შენს მხარდამჭერებთან, შენს ამომრჩევლებთან. რაც მთავარია ვისაუბრეთ ყველა იმ საკითხზე, რაც ჩვენი ვიზიტის დროს გვქონდა.
სრული მხარდაჭერა საქართველოს ამერიკის მხრიდან ხოლო იმედგაცრუება, შეკითხვები და უნდობლობა “ქართულ ოცნებასთან” მიმართებაში.
ჩვენ დავაყენეთ სახელმწიფო ინტერესებიდან გამომდინარე რამდენიმე საკითხი, როგორიცაა ამერიკის სამხედრო ბაზების განთავსება საქართველოში, თავისუფალი ვაჭრობის და უვიზო მიმოსვლის საკითხები ამერიკაში, რომელსაც არ აყენებს “ქართული ოცნება”. რაც მთავარია ჩავაბარეთ ანგარიში ჩვენს მხარდამჭერებს, რომ 19 აპრილის შეთანხმება, რომელსაც ხელი მოვაწერეთ მოუწევს ამ შეთანხმების შესრულება ოცნებას და რეფორმებიც აუცილებლად განხორციელდება.
რაც შეეხება იმ ანტიამერიკულ რიტორიკას, რაც მათ აქვთ, დარწმუნებული ვარ ხალხი ამას პასუხს გასცემს. ხალხთან ერთად საბოლოო ჯამში მივაღწევთ გამარჯვების იმ ნიშნულს, რომელიც ასე უნდა თოთოეულ ჩვენს მოქალაქეს” – განაცხადა გიორგი ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს