“ყველა ადამიანი, ვინც დღეს ამბობს – თავისუფლება მიშას, დასცინის მიხეილ სააკაშვილის დანაშაულების მსხვერპლებს” – შალვა პაპუაშვილი

პარლამენტის თავმჯდომარე შალვა პაპუაშვილი კომენტარს აკეთებს საქართველოს მე-3 პრეზიდენტთან დაკავშირებით. მმართველი გუნდის ერთ-ერთი ლიდერი აცხადებს, რომ მიხეილ სააკაშვილი ვერ ეგუება ციხის გარემოს და ამიტომ აქვს ჯანმრთელობის სხვა და სხვა პრობლემა:

,,ყველა ადამიანი, ვინც დღეს ამბობს – თავისუფლება მიშას, დასცინის მიხეილ სააკაშვილის დანაშაულების მსხვერპლებს და მართლმსაჯულების იდეას.

დიაგნოზს მე ვერ განვიხილავ. თუმცა, ასევე რომ დავეყრდნოთ სახალხო დამცველის ექსპერტთა ჯგუფის საჯარო განცხადებებს, იქიდან გამომდინარე ის, რომ ვერ ეგუება ციხის გარემოს, აქედან გამომდინარე, არის რაღაცა სხვა და სხვა ჯანმრთელობის პრობლემები.

მე როგორც ვიცი, პენიტენციურმა სამსახურმა განაცხადა, რომ ის არ იღებს ფსიქოლოგის მომსახურებას და ეს სჭირდება მას უპირველესყოვლისა“, – განაცხადა შალვა პაპუაშვილმა.

ავტორი
ნინი ხიჯაკაძე