“… და დავანებოთ მაშინ თავი ყველაფერს და პინგვინები მოვაშენოთ?” – გიორგი მშვენიერაძე სალომე ზურაბიშვილს მიმართავს

პრეზიდენტ სალომე ზურაბიშვილის პოზიციაზე, რომ საქართველო მზად არაა ომისთვის, ეხმაურება თბილისის თავისუფალი უნივერსიტეტის ასისტენტ-პროფესორი გიორგი მშვენიერაძე:

“ქალბატონ სალომესთან ასეთი კითხვა მექნებოდა: სამეზობლოში საჭიროებამ რომ მოიტანოს, ომს ვინმესთან თუ მოვიგებთ არსებული მოცემულობით?

ვერა ხო?

და დავანებოთ მაშინ თავი ყველაფერს და პინგვინები მოვაშენოთ?

ჯარი აღარ ყოფილა საჭირო და, ან ჯარისკაცებს რაღატო ვაწვალებთ, ან იმ მრავალშვილიან მამას, სახელი და გვარი ერთად რომ ვერ დავიმახსოვრეთ ამდენი წელია“, – წერს ფეისბუქის პირად გვერდზე გიორგი მშვენიერაძე.

ინფორმაციისთვის: საქართველოს პრეზიდენტმა სალომე ზურაბიშვილმა ტელეკომპანია “Deutsche Welle”-ს ჟურნალისტთან კომენტარში რუსეთის მხრიდან მოსალოდნელ საფრთხეზე გაამახვილა ყურადღება: “გვაქვს ორი ოკუპირებული ტერიტორია, რომელთაგანაც ერთი საუბრობს რეფერენდუმზე რუსეთთან შეერთების თაობაზე. ასე რომ, რა თქმა უნდა, ფრთხილად უნდა ვიყოთ, რადგან არ გვაქვს ბევრი შესაძლებლობა და არავინ იქნება მზად, მხარი დაუჭიროს საქართველოს იმავე გზით, მაგრამ ეს არანაირად ცვლის სოლიდარობის დონეს, რომელიც გაგვაჩნია,” – განაცხადა სალომე ზურაბიშვილმა.