ორგანიზაცია “ანტიკორუფციული მოძრაობა” მიერ შემოღებულ ეკონომიკისა და მდგრადი განვითარების სამინისტრო ახალ რეგულაციებთან დაკავშირებით განცხადებას ავრცელებს:
“ამ ვითარებაში როცა, სახეზეა რეგიონში ტვირთების ახალი გადანაწილების ტენდენცია, თუნდაც, ევროპის რიგი ქვეყნები (14 ევროპული ქვეყანა) უკრაინასთან მიმართებით საავტომობილო გადაზიდვების ნებართვებს საერთოდ აუქმებენ, საქართველოს ეკონომიკის სამინისტრო, სახმელეთო ტრანსპორტის სააგენტო 1 მაისიდან, საერთაშორისო საავტომობილო გადაზიდვებში ახალ რეგულაციებს აწესებს და გადაზიდვების ნებართვებს აძვირებს.
რეგულაციები მიმართულია, ერთჯერადი ნებართვების საფასურის 100% ით (2 ჯერ) გაზრდაზე, კერძოდ, თუ აქამდე ერთჯერადი ნებართვის ღირებულება 70 ლარს შეადგენდა ახალი რეგულაციით 140 ლარი გახდა, დაჩქარებული ტიპის ნებართვა 100 ლარის ნაცვლად კი 200 ლარი ეღირება. გაურკვეველია ეკონომიკის სამინისტროს მოტივი, რის საფუძველზეც მოხდა აღნიშნული გადაწყვეტილების მიღება.
ბუნებრივია, ნებართვების ორჯერ გაძვირება რომელიც თანხვდენილია საწვავის გაძვირებასთან, რთულ მდგომარეობაში აყენებს ქართველ გადამზიდავის კონკურენტუნარიანობას და მის მიმზიდველობას საერთაშორისო გადაზიდვების ბაზარზე. პრაქტიკულად გადამზიდავი საკუთარი მოგების შემცირების ხარჯზე ახორციელებს დღესაც გადაზიდვებს. საბოლოო ჯამში ტრანსპორტირების ხარჯების ასეთი ზრდა პროდუქციის სარეალიზაციო ღირებულებაზეც აისახება.
1 მაისიდან, ახალი რეგულაციები შეეხება მრავალჯერადი ნებართვების გაცემის წესსაც, მიუხედავად იმისა, რომ მრავალჯერადი ნებართვის გაცემის წესი, წლების მანძილზე, მოითხოვდა გარკვეულ მოწესრიგებას, ამ ეტაპზე ფინანსურად არამდგრადი ქართველი გადამზიდისათვის, რთულად წარმოსადგენია, რომ შეძლოს 5 ეკოლოგიურად მაღალი ევრო 5-6 სატვირთო ავტომობილის ერთ კომპანიაში თავმოყრა და ჯამურად 30 000 ევროს საბანკო ანგარიშზე აკუმლირება.
ამ თვალსაზრისით, ასეთი რეგულირება დიდი ალბათობით კორუფციის ნაყოფიერ ნიადაგს შექმნის. რადგანაც, წვრილი, პირობითად, ერთ სატვირთო ავტომობილიანი გადამზიდავი მრავალჯერადი ნებართვის მისაღებად, ირიბად, გარკვეული „ფარული“ გასამრჯელოს საფუძველზე, გაურიგდეს ფინანსურად ძლიერ გადამზიდავს და აღმოჩნდეს მისი „ქოლგის“ ქვეშ.
საავტომობილო გადამზიდავი კომპანიები, საკუთარ გულისწყრომას გამოთქვამენ ერთჯერადი ნებრათვების გაცემასთან დაკავშირებით, იმ ვითარებაში, როცა მსოფლიოში ფართოდაა აპრობირებული ნებართების გაცემის ელექტრონული მოდელი, ჩვენთან ჯერ კიდევ, გადამზიდავი ვალდებულია ნებართვა აიღოს უშუალოდ სააგენტოში, რაც გადამზიდავისათვის დამატებით დისკომფორტს წარმოადგენს.
ანტიკორუფციული მოძრაობა მიმართვას საქართველოს პარლამენტს, მაღალი საზოგადოებრივი ინტერესიდან გამომდინარე, რადგან აღნიშნული რეგულაციები შეეხება ათასობით თვითდასაქმებულ ფიზიკურ და იურიდიულ პირს, რომლებიც საქართველოში დაკავებულები არიან საერთაშორისო სატრანსპორტო გადაზიდვებით, მოხდეს ეკონომიკის მინისტრის და სახმელეთო ტრანსპორტის სააგენტოს ხელმძღვანელის პარლამენტში დაბარება, რეგულაციის ძალაში შესვლის შეჩერება და საკითხის ირგვლივ საჯარო დისკუსიის გამართვა“, – ნათქვამია ორგანიზაციის განცხადებაში.
ინფორმაციას ანტიკორუფციული მოძრაობა ავრცელებს
