საერთაშორისო კვლევითი ორგანიზაცია IRI-ის მიერ გამოქვეყნებული კვლევის შედეგებზე დაყრდნობით, ოპოზიციასთან მიმართებაში საკმაოდ პესიმისტურ პროგნოზებს აკეთებს ჟურნალისტი, ანალიტიკოსი არჩილ გამზარდია:
“IRI-ს კვლევის შედეგებს მეტ-ნაკლებად რეალისტურად მაინც თუ მივიღებთ და არა იმდენად ციფრებით, არამედ პროპორციული შედარებითობით მაინც, მარტივად ჩნდება შემდეგი წინაპირობები:
1. ოპოზიციას არ აქვს არანაირი რესურსი საზოგადოებრივი წინააღმდეგობა შექმნას ხელისუფლებასთან მიმართებაში;
2. არჩევნებზე 5%-იანი ბარიერის შემთხვევაში “ქართული ოცნება” მოდის არა თუ უმრავლესობით, არამედ შესაძლოა საკონსტიტუციო უმრავლესობითაც კი;
3. ოპოზიცია მსგავს გადანაწილებაში რჩება პარლამენტს გარეთ, შედის მხოლოდ “ნაციონალური მოძრაობა” და ისიც მხოლოდ დეკორატიული დანიშნულებით, ნულოვანი შესაძლებლობებით.
შეიძლება ითქვას, “ქართულ ოცნებას” მდგრადი ძალაუფლება აქვს (რასაც მე სულ ვამბობდი და რას ამბობ, ცდებიო) და არც არაფერზე ზრუნვა არ სჭირდებათ მანამ, სანამ ოპოზიცია არის ისეთი, როგორიც არის.
აქ პრაქტიკული გამოსავალი არ ჩანს, არსებობს მხოლოდ თეორიული გამოსავალი და ის გულისხმობს, რომ ოპოზიციის სრული უდიდესი ნაწილი უნდა გავიდეს პოლიტიკურ პენსიაში, რაც ჩვენი ოპოზიციური სუბიექტების ამბიციებს თუ გავითვალისწინებთ, შეუძლებელია.
ამიტომ კიდევ დიდ ხანს, “ქართული ოცნება” იქნება პარაზიტი სახელმწიფოზე, რომელიც თითოეული ჩვენგან სასიცოცხლო რესურსებს გამოგვწურავს, თუმცა, არავინ იქნება მისი კონკურენტი, რადგან კონკურენტები კიდევ უფრო რეპუტაცია შელახულები არიან, ვიდრე თავად ხელისუფლებაა“, – წერს ფეისბუქის პირად გვერდზე არჩილ გამზარდია.
