ლაშა ბუღაძის პოსტი დედაენის დღისადმი მიძღვნილი:
“იაკობ გოგებაშვილის უნიკალური ფორმულა. ბავშვი არა მხოლოდ სიტყვას, არამედ უკვე წინადადებას ამბობს, როცა ქართულად იწყებს მეტყველებას – “აი ია”. საწყისშივე აზროვნების იმპულსია ჩადებული.
“აი ია” – 1978 წლის 14 აპრილს სტუდენტებს სწორედ ეს უკვდავი ფორმულა ეწერათ პერანგებზე. ეს იყო მთავარი ლოზუნგი რუსიფიკაციის წინააღმდეგ – ერთდროულად ასეთი ინტიმური, სათუთი და იმავდროულად მუდმივი განახლების ძალის მატარებელი“, – წერს ფეისბუქის პირად გვერდზე ლაშა ბუღაძე.
