ევროპარლამენტის დელეგაცია თბილისშია და შეხვედრებს მართავს საქართველოს პარლამენტში. ევროინტეგრაციის პროცესთან და მმართველი პარტიის ვალდებულებებთან დაკავშირებით კომენტარს აკეთებს ,,სტარატეგია აღმაშენებლის“ გენერალური მდივანი, პარლამენტის წევრი პაატა მანჯგალაძე. ოპოზიციონერი ლიდერი აცხადებს, რომ მიმდინარე პროცესი უნდა იყოს გამჭვირვალე:
,,ევროკავშირში გაწევრიანების დაჩქარება გამოიწვია უკრაინის თავისუფლებისთვის ბრძოლის პროცესმა, მაგრამ უნდა ვიცოდეთ, რომ საქართველოსთვის არავინ არ აპირებს ,,დათმურ სამსახურს“ და შეღავათების გაწევას.
ამ პროცესში ,,ქართული ოცნება“ არ დავტოვოთ მარტო, რადგან ხიფათია, რისკია, რომ თუ მათ არჩევანი ექნებათ დემოკრატიული რეფორმებით ძალაუფლების დაკარგვასა თუ ევროპულ ინტეგრაციაში – ისინი აირჩევენ, რა თქმა უნდა, ძალაუფლების შენარჩუნებას და უარს იტყვიან ევროპულ ინტეგრაციაზე.
ამიტომ პროცესი უნდა იყოს გამჭვირვალე.
თუ უარს გვეტყვიან – ეს არ დავაბრალოთ დასავლეთს და პასუხისმგებლობა აიღოს ,,ქართულმა ოცნებამ“, – განაცხადა პაატა მანჯგალაძემ.
ავტორი
ნინი ხიჯაკაძე
