რუსეთმა უკრაინაში ფართომასშტაბიანი საომარი მოქმედებები დაიწყო. უკრაინაში შეჭრის პარალელურად რუსეთის პრეზიდენტმა საკმაოდ მუქარანარევი განცხადება გაავრცელა:
“ხაზგასმით ვაცხადებ, რომ სრული პასუხისმგებლობა შესაძლო სისხლისღვრაზე სრულად და მთლიანად უკრაინის ხელისუფლების სინდისზე იქნება.
და ახლა რამდენიმე მნიშვნელოვანი, ძალზე მნიშვნელოვანი სიტყვა მათთვის, ვისაც შეიძლება ცდუნება გაუჩნდეს და გარედან ჩაერიოს მიმდინარე პროცესებში. ვინც არ უნდა შეეცადოს ხელი შეგვიშალოს და უფრო მეტიც, რაიმე საფრთხე შეუქმნას ჩვენ ქვეყანას, ჩვენ ხალხს, უნდა იცოდეს, რომ რუსეთის პასუხი იქნება დაუყოვნებლივი და მიგიყვანთ ისეთ შედეგებამდე, რაც აქამდე თქვენი ისტორიის განმავლობაში არასდროს გქონიათ. ჩვენ მზად ვართ მოვლენების ნებისმიერი განვითარებისთვის. ამ მიმართულებით ყველა აუცილებელი გადაწყვეტილება უკვე მიღებულია.
იმედი მაქვს, რომ ჩემი ნათქვამი გაგონილი იქნება“, – განაცხადა ვლადიმერ პუტინმა.
