“მთავარი არხის” გენერალური დირექტორი ნიკა გვარამია ყოფილ სანატორიუმ “ქართლში” მცხოვრები, აფხაზეთიდან იძულებით დევნილის ტრაგიკული გარდაცვალების ფაქტს მძიმე ემოციური პოზიცია-შეფასებებით ეხმაურება:
“მოკლედ, დევნილები ხომ იმთავითვე მეორეხარისხოვან ადამიანებად გაგვხადეს და უკვე ჩვენი სიცოცხლეც მეორეხარისხოვნად აღიარეს.
სიკვდილშიც მეორეხარისხოვნები ხართო, გვითხრეს.
მთავრობამ არა, მთელმა საზოგადოებამ.
თქვენ, ვინც დაგვხვდით, როგორც მომხვდურებს და სიცოცხლიდან გვაცილებთ, როგორც გადამფრენ ფრინველებს.
თქვენ, ვინც არასდროს არ გვაგრძნობინეთ, რომ აფხაზეთს მიღმაც ჩვენს სამშობლოში ვართ და ყველა სოფელი თუ ქალაქი, სადაც მოგვიწია დაფუძნება, ისევეა ჩვენი, როგორც თქვენი. ისევეა ჩვენი, როგორც აფხაზეთის სოფელ-ქალაქები იყო.
თქვენ, ვისთვისაც დღემდე უცხოები ვართ, ცოცხალნიც და მკვდარნიც.
თქვენ, ვისთან ერთადაც არასდროს შეგვაქმნევინეთ “ჩვენ”
თქვენ,” – წერს ფეისბუქის პირად გვერდზე ნიკა გვარამია.
