„მესამე ძალა – სტრატეგია აღმაშენებლის“ ისნის მაჟორიტარობის კანდიდატის, თეონა ჭალიძის განცხადებით მიუხედავად იმისა, რომ ხალხის პრობლემებზე არჩევნებამდეც აქტიურად მუშაობდა, მაინც ვერ მოახერხა ისანში თითოეული ამომრჩევლის პირადად ნახვა, რადგან ამომრჩეველთა რაოდენობა 150 000-ზე მეტია და ფიზიკურად ვერ მოხერხდა. ჭალიძის თქმით ძალებს არ იშურებდა იმისათვის, რომ საარჩევნო კამპანია პოზიტიურად წარემართა და სჯერა, რომ არჩევნების გზით საქართველოში სასიკეთო ცვლილებები მოხდენა შესაძლებელია, ამისათვის კი ერთ-ერთი საუკეთესო არჩევანი „მესამე ძალა – სტრატეგია აღმშენებლის“ გუნდია:
„მინდა ბოდიში მოვუხადო ყველა იმ ადამიანს, რომელიც პირადად ვერ ვნახე ამ კამპანიის დროს. მე მხოლოდ არჩევნების პერიოდში არ ვიწყებ, მანამდეც აქტიურად ვმუშაობ ხალხის პრობლემებზე. მიუხედავად ამისა ყველას ნახვა მაინც ვერ მოვახერხე, რადგან თქვენ ხართ ძალიან ბევრი – 150000-ზე მეტი ამომრჩეველი, მე კი ერთი ვარ და ფიზიკურად რთული იყო თითოეული თქვენგანის პირადად მონახულება.
მინდა გთხოვოთ, რომ დაფიქრდეთ და ისე გააკეთოთ არჩევანი, იფიქროთ იმაზე თუ ვინ უფრო სასარგებლო იქნება თქვენთვის. მინდა მადლობა გადავუხადო მათ, ვინც ამ პერიოდის განმავლობაში გვერდში მიდგას, ვინც მამხნევებს: ჩემი გუნდის წევრებს, რომლებიც ძალებს არ იშურებენ იმისათვის, რომ კამპანია მართლაც პოზიტიურად ჩაიაროს და ჩვენს წინაშე წამოჭრილი ყველა პრობლემა, რომლებსაც სახელისუფლებო გუნდი გვიქმნის, ერთობლივად გადავლახოთ.
მე ნამდვილად არ მინდა ამ ქვეყნიდან წასვლა, არ მინდა რომ ჩემს ოჯახთა ერთად მომიწიოს სხვა ქვეყანაში ცხოვრება. მე მჯერა რომ არჩევნების გზით შევძლებთ, რომ საქართველოში სასიკეთო ცვლილებები მოხდეს და „მესამე ძალა – სტრატეგია აღმშენებლის“ გუნდი გიორგი ვაშაძის მეთაურობით არის ერთ-ერთი საუკეთესო არჩევანი, – ჩვენ ვართ პირველები“ – აღნიშნავს თეონა ჭალიძე.
