“სტრატეგია აღმაშენებლის” პოლიტსაბჭოს წევრი, ჯანდაცვის სპეციალისტი სოციალურ ქსელში პოსტს აქვეყნებს, სადაც დეტალურად მიმოიხილავს ქვეყანაში არსებულ ეპიდემიოლოგიურ მდგომარეობას და მიზანშეწონილად მიაჩნია მსჯელობა არჩევნების გადადების თაობაზე:
“როგორც მოქალაქე, ჯანდაცვის სპეციალისტი და პოლიტიკოსი ვთვლი, რომ როდესაც ათასობით ადამიანი გვეღუპება, ახლა გზებსა და ფასადებზე საუბრის დრო არ არის.
პანდემიის მართვის გეგმა სად არის? რას აკეთებს მთავრობა? შემდეგი 1 თვე რა უნდა გაკეთდეს? ყოველ დილას ველით დაზაფრულები 50-60-თუ 70? 5900 თუ 6500? და არანაირი მწყობრი ნაბიჯი, არანაირი გეგმა მთავრობიდან!
დღეს კონსტიტუციის დღეა. ქვეყნის უზენაესი კანონი ხაზგასმით გეუბნება, რომ ადამიანის სიცოცხლე, ჯანმრთელობა, სხვა მრავალ ღირებულებებთან ერთად, უმთავრესი პრინიცპებია. დაცულია კი დღეს ეს პრინციპები?
ვზეიმობთ კონსტიტუციის დღეს და ხელისუფლება ვერ იცავს ადამიანის სიცოხლის უფლებას. დღეში 60-70 გარდაცვლილი ამის დადასტურებაა. არათანმიმდევრულობა, არაპროფესიონალიზმი და ხალხის წინააღმდეგ სიარული, ხელისუფლების ხელწერად იქცა.
50 შემთხვევაზე ქვეყანაში ლამის 1-წლიანი ლოკდაუნი გამოცხადდა და დღეს 5900 შემთხვევაზე საზოგადოებრივი ტრასპორტის გაჩერებით შემოვიფარგლეთ. გეგმა არ აქვთ! იფიქრეს, იფიქრეს და საზოგადოებრივი ტრანსპორტი აკრძალეს, სადაც გავრცელების რისკი მინიმალურია, საზოგადოებრივი ტრანსპორტის გაჩერებიდან მე-10 დღეს დადებითობის მაჩვენებელმა მოიმატა, რაც კიდევ ერთხელ მეტყველებს რომ ეს არ არის ადეკვატური მეთოდი, ან ქმედითი.
გეგმა სად არის? რას აკეთებს მთავრობა? შემდეგი 1 თვე რა უნდა გაკეთდეს? ყოველ დილას ველით დაზაფრულები 50-60-თუ 70? 5900 თუ 6500? და არანაირი მწყობრი ნაბიჯი, არანაირი გეგმა მთავრობიდან! დღეს იმსჯელეს და რესტორნები 11-ის ნაცვლად 10-ზე დავკეტოთო. ეს იმას ჰგავს, ე.წ. კომენდანტის საათი 5-დან დილის 4-ზე რომ გადასწიეს.
ლოგიკურია, ჩნდება კითხვა – რამდენი ადამიანი უნდა დაიღუპოს დღეში, ან რამდენია, დღიური ინფიცირების მაჩვენებელი, რომ ხელისუფლებამ მწყობრი გეგმა წარმოადგინოს? და ზოგადად, მსჯელობა დაიწყოს არჩევნების შესაძლო გადავადებასთან დაკავშირებით.
არ მინდა კიდევ მეტად დავზაფრო სიტუაცია, თუმცა ხელისუფლებასაც და საზოგადოებასაც მინდა ვუთხრა, რომ ქვეყანა მძიმე მდგომარეობაშია. თუ ასე გარძელდა, კიდევ უფრო გართულდება. ექიმებს მინდა თანადგომა გამოვუცხადო, ექთნებს, სანიტრებს, რომლებიც ყოველგვარი გრაფიკის გარეშე 24-საათიან რეჟიმში მუშაობენ. ხელისუფლება კი პასუხისმგებლობას მთლიანად იხსნის და საბოლოოდ მივიღებთ სამედიცინო პერსონალის დისკრედიტაციას. ამის ნიშნები უკვე არსებობს.
ხელისუფლება, რომელიც გვეუბნება, რომ მისთვის ხალხია მნიშვნელოვანი, ეს სად ჩანს? ქალაქის მერის მიერ გახსნილ სკვერში თუ ფასადზე გამოცხადებულ მსჯელობაში? რა თქმა უნდა არსად! როგორც უკვე ვთქვი, დღეს კონსტიტუციის დღეა! ადამიანის სიცოცხლე და ჯანმრთელობა კი სხვა მრავალ ღირებულებებთან ერთად, უმთავრესი პრინიციპებია.
არგუმენტების გარეშე, შეთქმულების თეორიების არ მჯერა, მაგრამ უპირველეს ყოვლისა, როგორც მოქალაქე და ჯანდაცვის სპეციალისტი ვსაუბრობ. ვსაუბრობ, როგორც პოლიტიკოსი. როდესაც ათასობით ადამიანი გვეღუპება, ახლა გზებსა და ფასადებზე საუბრის დრო არ არის. ვიმსჯელოთ იმაზე, რომ რამდენად გონივრული იქნება არჩევნების გადადება მხოლოდ და მხოლოდ ხალხის საკეთილდღეოდ, თუ რა თქმა უნდა, ხელისუფლებისთვის ხალხი პრიორიტეტულია” – წერს სერგო ჩიხლაძე ფეისბუქის პირად გვერდზე.
